Ruta de San Pedro de Rocas - Alto do Couso Publicado por Delmiro Acevedo , lunes, 14 de febrero de 2011 at 18:31, in

Tremenda ruta a feita este fin de semana dende O Garaxe, non só pola ruta, senón pola compaña de Juan Ferreiros, Abelbone e Carlos "pacitos".
O venres chegaron os convidados, Abel e Juan quedaron na miña casa e Carlos na casa de Toño Rivas. Ceamos todos xuntos en compañía das rapazas e deitamonos cedo para estar descansados pensando na ruta do sábado. As dúbidas sobre a climatoloxía disiparonse o amencer cun día esplendido en toda a provincia.



A saida tivo lugar as 9:00 dende O Garaxe onde esperaban Antonio, José Manuel, Alberto, Roberto, José Ferro, Dani, Jose Antonio, e Marcos.
Comezamos subindo por unhos sendeiros que nos levaron a Castadón, cunhas pendentes bastante grandes que nos fixeron entrar en calor a lume de carozo. O grupo notábase feliz, moitos sorisos e bromas que se prolongaron toda a mañá. Unha vez en Castadón desviamonos hacia a Chaira e Chaodarcas onde a parte máis levable da ruta tocou o seu fin.
Nas inmediacións de San Pedro de Rocas encontrámonos as primeiras zonas técnicas xa coñecidas polos nativos e que comezaron a facer as delicias dos "extranxeiros", só había que verlle a cara a Abel para darnos conta que acertáramos na selección do percorrido.
Unha vez no Mosteiro, tomamos as fotos de rigor e Juan aproveitou para empaparse de coñecementos facendo unha pequena visita o interior da construcción.



Apartires de este punto podemos considerar a ruta coma unha sucesión de baixadas frenéticas "long travel". Primeiro ata Esgos onde Abel decidiu que Toño debía baixarse da bici polo civil ou polo criminal... jejeje, e despois dende o Alto do Couso ata a zona de Monterrey. Ningún incidente nestas baixadas o que da nota do nivel do persoal asistente, só unha pequena visita de "Messié Massó" a David que derivou na sua retirada con Jose Manuel un pouco antes de tempo.



Cando as forzas xa estaban algo mermadas, e quizais, cando xa todo o mundo daba por rematada a ruta, o track reservábanos unha última subida o campo de golf, coas correspondentes baixadas pola romana de Montealegre e o barrio do Cuco, estes dous puntos foron a traca final dun día incrible en compaña dunha xente a que un se queda sen palabras de agradecemento polos bos momentos pasados.
Só faltaba lavar as bicis, duchiña rápida e comida copiosa en Spaguetti Rock cunha sobremesa que se alongou ata as 20:30.
A seguinte en Pontevedra, so falta a data.

O track por cortesía de Antonio Arias:

Wikiloc

*Fotos Daniel Ellacuriga "katxupi"

Cangas-Vigo 15/01/2011 Publicado por Delmiro Acevedo , domingo, 16 de enero de 2011 at 17:39, in

Estreamos as entradas de 2011 cun rutón dos que se recordan toda a vida, esta vez ninguén de Ourense me acompañou pero en Cangas esperaban Marajota e os seus amigos de Bike ou non vai xunto cos xa habituais compañeiros e amigos de Pontevedra, Juan Ferreiros, Paco Newman, Oscar "Triki" e Anxo "O galgo do Lérez".
Esta vez a mañá comezou moi cedo, o reloxo espertou as 7:00 AM, escasas 6 horas durmidas, almorzo rápido e saida de Vigo dirección Centro Comercial a Laxe para coller o barco a Cangas as 8:30.
As mellores imaxes do día chegaban ainda sen comezar a dar pedal co espectáculo do amencer no medio da Ria de Vigo.





Aproximádamente as 9:00 chegaba a Cangas onde agardaba impaciente Marajota cos seus socios, minutos despois chegaban os pontevedreses para comezar a ruta. Saudos, apretóns de mans, apertas, presentacións, preparación do material e saida entre risas e as primeiras bromas entre Anxo e Oscar.





Nos primeiros kilómetros comezamos a ascender cunhas fermosas vistas da ria ata a zona de Moaña e o Paralaia, unhos sendeiros encharcados que xa fixeron as delicias do grupo seguidos de varios tramos por pista ata o alto onde as primeiras escaramuzas xa comezaron a cargar as perniñas. Unha vez arriba tomamos o primeiro petisco para continuar por unha zona un pouco rompepernas cunhos tramos de baixada moi divertidos.



Foto "Marajota"


A seguinte ascensión inda que algo máis corta levounos a unha zona xa coñecida por min, o Lago Castiñeiras, onde o grupo se separou, os integrantes de Cangas retornaban a sua vila e nos continuamos co obxectivo de chegar a Vigo. No último momento, despois da chamada telefónica pertinente o amigo Matiño de Cangas decidiu acabar a ruta con nós. Neste momento xa só estabamos a xente de Pontevedra, Matiño e máis eu. Logo dunhos intres de deliveración Paco decidiu cargar ca responsabilidade de levarnos ata Vigo.





Esta parte da ruta tamén foi moi vistosa pasando por Pontesampaio, Arcade, Redondela... pensabamos que xa tiñamos o traballo feito pero xusto na saida de Redondela atopamonos cun muro que acabou cas poucas forzas que levavamos, non esaxero cando digo que a pendente media durante un kilómetro debeu de rondar o 20-25%. Apartir de ahí entramos na senda da auga que nos levou ata Vigo onde me separei do grupo, tocaba ducha quente e comida copiosa na casa da sogra mentres que o resto dos compañeiros tiveron que coller o Barco para a volta a Cangas.





O tempo acompañounos, foi incrible a temperatura que tivemos para estar en xaneiro. Penso que todo o mundo se divertiu e quedou con ganas de repetir outra aventura deste tipo, por que non, en terras ourensans.

Mais fotos en:Picasa

O track: Wikiloc